LEXIA orðabókin
Stofnun Árna Magnússonar í íslenskum fræðum

hver annar fn
 
framburður
 1
 
 (gagnverkandi fornafn; um þrjá eða fleiri) - tvíyrt fornafn; báðir liðir beygjast (sbr. "hver" og "annar") en sambeygjast ekki; "hver" lagar sig að frumlaginu en "annar" stýrist af sögn eða forsetningu
 strákarnir mönuðu hver annan upp
 börn eru lík hvert öðru þegar þau eru dúðuð í kuldagalla
 þær leiddust til að týna ekki hver annarri í troðningnum
 krökkunum þótti mjög vænt um hvert annað
 2
 
 hver ... annar
 (gagnverkandi fornafn; um þrjá eða fleiri)
 fólk rakst hvert í annað í þrengslunum
 starfsmennirnir litu undrandi hver á annan
 3
 
 (í líkingum eða samanburði) hvaða maður, hlutur, fyrirbæri o.s.frv. sem er, einhver eða eitthvað af því tagi sem tilgreint er
 þú getur alveg komist yfir ána eins og hver annar
 fólk leit á frásögnina sem hverja aðra slúðursögu
 þeir höguðu sér eins og hverjir aðrir dónar
 þetta er ekki verri tilgáta en hver önnur
 4
 
 (í innbyrðis samanburði með miðstigi lýsingarorðs) einn er betri, meiri, verri o.s.frv. en annar af þeim eða því sem vísað er til
 þarna var hver tertan annarri glæsilegri
 meðfram veginum stóð hver kofinn öðrum verri þótt greinilega væri búið í þeim
 5
 
 (í ýmsum sambönd um röð eða röðun) fyrst einn og svo fylgir næsti o.s.frv.
 hver af öðrum
 
 hún opnaði skúffurnar hverja af annarri en fann ekki ausuna
 hver (á) eftir öðrum
 
 þeir roguðust með hvern pokann á eftir öðrum þangað til þeir voru orðnir uppgefnir
 hver á fætur öðrum
 
 hver eftir annan
 leikarinn fékk hvert hlutverkið á fætur öðru og þótti standa sig vel
 stelpan las hverja bókina á fætur annarri
 hver <atburðurinn> rekur annan
 
 á eftir einum <atburði> kemur annar <atburður>
 á sviði fjarskipta hefur hver nýjungin rekið aðra undanfarna áratugi
 hver <atburðurinn> tekur við af öðrum
 
 þegar einum <atburði> lýkur tekur annar <atburður> við
 í útvarpinu tók hvert lagið við af öðru
Athugið að orðabókin er enn í vinnslu og að sum orðin hafa ekki enn verið þýdd
© Stofnun Árna Magnússonar í íslenskum fræðum
Árnagarði við Suðurgötu, 101 Reykjavík
© Stofnun Vigdísar Finnbogadóttur í erlendum tungumálum